لا انا صايع ولا بايع سنين عمري اللي باقيه بلاش
ولا حابب أشوف أمي قلقها عليا مابيهداش
لاعاوز أشوفها شايله الهم .. وتبكي لو تشوف الدم
ولما تتسأل عني تقول دا ضنايا راح ولا جاش
أنا اللي هتفت سلمية
ولا كان نفسي أشم الغاز
ولا امسك طوبة في إيديا
ولا خرطوشة تحرقني
أنا إللي هتفت سلمية
ما كانش في بالي ضرب النار
ولا إني أنضرب برصاص
ولا إن عنيا تبقى نشان لظابط مفتري قناص
أنا إللي نزلت بهتافي خلعت نظام
وحققت إللي كان فاكرينه قال أحلام
ساعتها إتشلت فوق الروس وقالو علي أحلى كلام
ده كان في يناير الماضي بداية العام
الأغنية دي هزتني بجد وحسيتها بتعبر عن كل اللي جوايا
الأغنية مأخدتش حقها من النشر وعلشان كده قررت أساعد في نشرها عندي في المدونة
ده فيديو إغنية سلمية
من كل قلبي شكرا لكل من شارك في هذا العمل الرائع
أغنية فى منتهى الجمال والصدق وللأسف أول مرة أسمعها شكراً على المساهمة فى نشرها ولكل من شارك فيها
ردحذفالعفو ... فعلا هل عمل إبداعي ويلخص قصة الثورة
حذفياااااااااااارب تقبل كل من مات شهيدا واغفر لي تقصيري وجبني وسلبيتي في حق وطني واخواتي
ردحذفبجد اغنية روعةةةةة
ردحذفاللهم مارحم شهداء مصر والعالم لعربي
ردحذف